Әлем. 6 маусым. 7kun.kz – Amazon атқарушы директоры Дэйв Кларк қызметінен кетуге шешім қабылдады, деп хабарлайды 7kun.kz Reuters-ке сілтеме жасап.

Тұтынушылардың істері бөлімінің басшысы ретінде Кларк бірқатар негізгі бөлімшелерді, соның ішінде интернет-дүкендерді, бөлшек сауда дүкендерін, үшінші тарап нарығын және Amazon Prime жазылу бизнесін басқарды.

«Amazon-да 23 жыл жұмыс істегеннен кейін Дэйв Кларк басқа мүмкіндіктерді пайдалану үшін компаниядан кетуге шешім қабылдады. Оның кеңседегі соңғы күні 1 шілде болады», – деді Amazon бас директоры Эндрю Джесси.

Оның жұмыстан шығу себебі компанияның бірінші тоқсанда айтарлықтай шығынға ұшырауымен байланысты болуы мүмкін. Сәуірде компания кірісі өткен жылғы 44 пайыздық өсіммен салыстырғанда 7%-5а ғана өскенін айтты. Сонымен қатар, компанияның қоймаларындағы артық орын Amazon-ға 2022 жылдың бірінші жартысында кем дегенде 10 миллиард доллар шығын әкелді.