Астана. 6 қазан. 7kun.kz – «Ақ жол» демократиялық партиясы Қазақстан президенттігіне Қасым-Жомарт Тоқаевтың кандидатурасын ұсынды, деп хабарлайды 7kun.kz.

«Ақ жол» демократиялық партиясы кезектен тыс 19-съезде төрт кандидатты қарастырды. Олардың қатарында Қасым-Жомарт Тоқаев, журналист Сандуғаш Дүйсенова, мәжіліс депутаты Серік Ерубаев және «Ақ жол» партиясының Ақтөбе облыстық филиалының төрағасы Асқар Садықов бар.

Жасырын дауыс беру арқылы «Ақ жол» демократиялық партиясы Қасым-Жомарт Тоқаевтың кандидатурасын ұсынды.

Айта кетейік, Бұған дейін Тоқаевтың кандидатурасын Amanat партиясы мен Қазақстан Халық партиясы ұсынған болатын.

Кезектен тыс президент сайлауы 20 қарашада өтеді.