Атырау. 25 наурыз. 7kun.kz - Каспий теңізінің қазақстандық бөлігінде орналасқан Қашаған кен орнынан екі миллион тонна мұнай өндірілді, деп хабарлайды «ҚазАқпарат».

«Кен орнынан мұнай өндіру өткен жылдың қыркүйегінде қайта басталды. Қазіргі уақытта өндіру көлемі тәулігіне 180 мың баррельге жетті.

Алғашқы миллион тонна мұнай осы жылдың  қаңтарында алынды,  ал екіншісі Наурыз мейрамы қарсаңында өндірілді»,- деп хабарлады «Норт Каспиан Оперейтинг Компани Б.В.» компаниясының кен орнын пайдалану жөніндегі директоры Ариан ван Дейк.