Алматы. 15 желтоқсан. 7kun.kz – Астана қаласындағы «Нұрлы жол» жаңа вокзалы 2017 жылдың 30 мамырында іске қосылған болатын. Жарты жыл ішінде вокзал арқылы 2,4 миллион адам тасымалданған.

Жаңа вокзал тәулігіне 35 мың жолаушыны өткізеді. Бүгінгі күні жолаушылар легінің орташа саны – 11,5 мың адам.

Вокзал кешені 52 пойызға қызмет көрсетеді: «Тұлпар-Тальго» 16 жүрдек пойызы, 22 стандартты және 14 қала маңында қатынайтын электр пойызы. Вокзал арқылы тәулігіне орташа 16 жұп пойыз өтсе, демалыс күндері олардың саны 20-ға дейін жетеді.