Солтүстік темір жолы (СТЖ) 1-маусымнан бастап "Астана - Санкт-Петербург" арасында қатынайтын пойыздың жолға шығатынын хабарлады.

«№39/40 Астана — Санкт-Петербург пойызы 1 маусым мен 25 тамыз аралығында тақ күндері жүретін болады», — делінген СТЖ берген мәліметте. Санкт-Петербургке құрам 4-маусымнан бастап 28 тамызға дейін жұп күндері қатынайды. СТЖ баспасөз-қызметі хабарлағандай, пойыз Санкт-Петербургтен 4 маусым күні Мәскеу уақыты бойынша 16:20-да жолға шығады. Құрамның жолда болатын уақыты - 63 сағат, 33 минут. Осылайша Астанаға 7 маусым күні жергілікті уақыт 10:53-те жетеді.