Астана. 14 қараша. 7kun.kz – Елордада Қасым, Жомарт және Кемел есімді үшем дүниеге келді. Бұл туралы қала әкімдігінің ресми сайты хабарлады.

Ұлдардың әкесі Сәбит Соппек – тіс дәрігері. Ал анасы Марал күйеуінің жанында медбике болып жұмыс істейді. Олар алғаш рет ата-ана атанып отыр, балаларға есімдерін атасы қойған.

«Ота жасаған және жалпы №2 №2 Көпбейінді қалалық аурухананың акушерлік блогына блогына үлкен алғысымды білдіремін. Медициналық мекемелерде қолайлы жағдай жасап, заманауи жабдықтармен қаматамасыз еткені үшін және мамандардың жоғары кәсібилігі үшін алғысым шексіз!» – деді үшемнің анасы Марал Соппек.

Үшемдер әрқайсысы шамамен 1000 гр салмақпен мерзімінен бұрын дүниеге келген. Олар жаңа туған нәрестелерді күту бөлімінде болды.