Экономика
Астанада үшінші кәсіби музыкалық "Астана жұлдызы. Ұлттық музыка бәйгесі-2014" өтті
«Астана жұлдызы. Ұлттық музыка бәйгесі»-нің бастамашысы – Астана қаласы әкімдігі, ұйымдастырушы - «Adam Media Group».
Астана қаласы әкімдігінің бастамасымен жүзеге асқан «Астана Жұлдызы» музыкалық бәйгесі осымен үшінші рет еліміздегі ең негізгі музыкалық оқиға екендігін дәлелдеді. Шараға Қазақстан жарық жұлдыздарының барлығы, болашағынан көп үміт күттіретін жас әншілер қатысты.
«Астана Жұлдызы» ұйымдастырушылары уәде бергендей, марапаттау рәсімі жоғарғы деңгейде өтіп, Қазақстандағы ең беделді шоуға айналды: шоудың безендірілуі, дыбыс беру, жарық түсіру деңгейінің жоғарылығы, асқан шеберлікпен орындалған би көріністері, көрерменді қызықтырған цирк қойылымдары, заманауи бейнетүсірілімдер дәлел бола алады.
"Астана Жұлдызы" бәйгесінің жүргізушілері - Баян Есентаева, Динара Сәтжан, Айгүл Иманбаева және Нұрдәулет Шертім шоуды кәсіби шеберлікпен жүргізіп, Баян мен Динараның диалогтары көрермендердің қошеметтеріне ие болды. Оған қоса, Айгүл мен Нұрдәулеттің қалжыңдары да өз орнын тапты.
Марапаттау рәсімі аяқталған соң, эстрада жұлдыздары Қайрат Баекенов пен Қанат Жүнісовтің арнайы Кәсіби Музыкалық «Астана Жұлдызы. Ұлттық музыка бәйгесі-2015»-ке арналып жазылған әнұранын орындады.
Жеңімпаздар тізімі:
- Жігіттер арасындағы үздік орындаушы – Лучший исполнитель
Жеңімпаз: Айқын Төлепберген
- Қыздар арасындағы үздік орындаушы – Лучшая исполнительница
Жеңімпаз: Жанар Дұғалова
- Үздік жігіттер тобы – Лучший мужской коллектив
Жеңімпаз:«Жігіттер» тобы
- Үздік қыздар тобы – Лучший женский коллектив
Жеңімпаз: «Assyl»
- Үздік дуэт – Лучший дуэт
Жеңімпаз: Бүркіт – Аиша,
- Жаңа тыныс – Дебют года
Жеңімпаз: Sanda
- Жыл әні – Песня года
Жеңімпаз: Жанар Дұғалова – «Ізін көрем»
- Үздік композитор – Лучший композитор
Жеңімпаз: Арман Дүйсенов
- Үздік мәтін авторы – Лучший автор текста
Жеңімпаз: Қалқаман Сарин
- Үздік өңдеуші – Лучший аранжировщик
Жеңімпаз: Павел Ли
- Үздік клипмейкер – Лучший клипмейкер
Жеңімпаз: Ернар Нұрғалиев
- Үздік жеке концерт – Лучший сольный концерт
Жеңімпаз: Мейрамбек Беспаев – «Құс қанат ғұмыр»
