Алматы. 7 шілде. 7kun.kz — Астанада ботаникалық бақтың қашан ашылатындығы белгілі болды. Бұл туралы inform.kz хабарлады.

«Ботаникалық бақ жобасы осы жылдың қыркүйек айында аяқталатын болады. Қазіргі уақытта ол негізінен жеке инвесторлардың есебінен жүзеге асырылып жатыр. Аумағы 92 гектар. Ішінде 12 шақырым велосипед жолы, 13 шақырым жүгіру жолағы және көптеген спорттық нысандар мен балалар алаңы болады», - деп атап өтті Астана әкімі Әсет Исекешев. Сондай-ақ, ол 2018 жылы Астанада 10 саябақ салынатынын және қаланың барлық аудандарында спорттық нысандарға қолжетімділікті қамтамасыз ететінін хабарлады.