2015 жылы 19 қыркүйекте 16:20-да "АТФБанктың" процессингілі құрылғысында технкалық ақау орын алды. Нәтижесінде, бірнеше уақыт клиенттер банк картасының қызмет көрсетуіне байланысты кедергіге тап болды деп хабарлайды банктың баспасөз қызметі.

"Техникалық проблема анықталғаннан кейін мамандар қажетті шаралар қабылдап, бірнеше сағат ішінде техникалық ақауды жойды. Коммуникация деңгейінде қателік орын алды, бірақ клиенттеріміздің базасына еш зақым келген жоқ", - деп атап өтеді АТФБанктың атқарушы директоры Сергей Коваленко. Қазіргі уақытта құрылғы қалпына келді. Барлық жүйелер штатты режимде жұмыс істеп тұр. Банк қызметкерлері жағдайды бақылауға алып, орын алған оқиғаға байланысты толық сараптама жүргізуде.