Атырау облысында Оңтүстік -Африкалық Республикамен біріге отырып, аймаққа тікелей жеміс-жидек жеткізетін ортақ кәсіпорын ашу мәселесін талқыланып жатыр.

"Атырау облысы әкімінің бірінші орынбасары Ғұмар Дүйсембаев және ОАР-ның Қазақстандағы елшісі Ренске Фос екіжақты экономикалық қарым-қатынас мәселесін талқылады. Жекелей алғанда, ОАР-дан Қазақстанға тікелей жеміс-жидек әкелетін ортақ кәсіпорын құру жайы айтылды", - деп хабарлайды Атырау облысы әкімдігінің баспасөз-қызметі.

Статистикалық мәліметтер бойынша, 2014 жылғы Атырау облысының ОАР-мен сыртқы тауар айналымы 1,3 млн долларды құраған, бірақ 2013 жылға қарағанда 37,8  пайызға төмендеді.

"Облыс әкімдігі ОАР-дағы әріптестерін белсенді түрде серіктес болуға шақырды. Мұнай-газ құбырлары мен қара металлдан жасалған өнімдердің экспортына басымдық беріліп отыр. Импорттың көп бөлігі  құрылыс материалдары мен жеміс-жидектің үлесінде ", - деп атап өтті әкімдікте.