Алматы. 15 тамыз. 7kun.kz – «7-20-25» бағдарламасының бір ай жұмыс қорытындысы бойынша 10 отбасы ипотекалық қарыз алып, пəтер иелері атанды, деп хабарлайды Атырау облысының өңірлік коммуникациялар қызметі.

Ұлттық банктің Атырау филиалы директорының міндетін атқарушы Серік Омаровтың айтуынша, осы бағдарлама аясында екінші деңгейдегі 7 банк жұмыс істейді. Бүгінгі күні Центр кредит банкі ипотекалық несие беруді бастады, Еуразиялық банк, АТФ, Тұрғын үй құрылыс жинақ банкі, Халық банкі, РБК банкі және Цеснабанк тамыз айының сонында несие беруді бастайды.

Айта кетсек, 2018 жылы облыста 3892 пәтерлік 44 көпқабатты тұрғын үйдің құрылысы басталды, биылғы жылы 34 үй пайдалануға беріледі. Облыс орталығында 39 үй салынса, қалғаны аудандарда.