Алматы. 26  маусым. 7kun.kz - Қазақстан Еуразиялық экономикалық одақтың елдеріне бағытталған (ЕЭО) экспортты жақсартса да, біріккен елдердің арасында  соңғы орында. 

Еуразиялық экономикалық комиссияның мәліметінше, Қазақстанның ЕЭО елдеріне экспорты 2018 жылдың  қаңтар-сәуірінде 1,8 млрд долларды құрады. Бұл көрсеткіш өткен жылдың дәл осы аралығымен салыстырғанда 10,1%-ға артты.

Қазақстан әріптес елдердің арасында экспортты Арменияға 2,9 млн доллармен 7,5 есе арттырды. Қырғыстанға экспорт 26,6%-бен 173,5 млн долларға, Ресейге 9,5%-бен 1,6 млрд долларға өсті. Ал Белоруссияға керісінше жеткізілім 30%-ға азайып, 28,3 млн долларды құрап отыр.

Одақтағы басқа елдердің экспортының көрсеткіші жоғарырақ. Ресейдің ЕЭО ішінде экспорты 12,2 млрд долларды құрап, өткен жылмен салыстырғанда 19%-ға алға ілгеріледі. Белоруссияда бұл көрсеткіш 4,4 млрд доллар болса (+10,8%), Арменияда 202,6 млн долларға жетті (+47,8%). Ал Қырғызстан экспорты  184,8 млн доллар көлемінде көрсеткішпен  4,6%-ға артқа шегінді.