Алматы. 27 шілде. 7kun.kz – Қазақстанның арзан жанармай сататын мемлекеттер рейтінгінде 10-шы орынға ие болды. Бұған дейін еліміз 12-ші орында тұрды.

GlobalPetrolPrices-тің дерегінше, республика бойынша орташа бензин бағасы 52 цент (шамамен 180 теңге).  Әлем бойынша ең арзан бензин Венесуэлада (1 цент), Иранда (27 цент), Суданда (34 цент), Кувейтта (35 цент), Алжирде (36 цент), Эквадорда (39 цент), Нигерияда (41 цент) Египетте (43 цент), Түркіменстанда (43 цент).

Көрші Өзбекстан екі цент (55 цент) айырмашылықпен 15 орында, Қырғызстан 24 орында (68 цент), Белорусия - 27 орын (69 цент) және Ресей - 28-ші орында (72 цент) тұр.