Мемлекеттік басқаруды модернизациялау жүйесі аясында Қазақстан шұғыл түрде мемлекеттік қызметтің карьералық моделіне өтпек. Бұл туралы ОКҚ брифингі барысында ҚР мемлекеттік қызмет ісі және жемқорлыққа қарсы күрес агенттігі төрағасының орынбасары Саян Ахметжанов мәлімдеді.

“Карьералық модельдің артықшылығы – мемлекеттік қызметтен тыс қандай да бір жоғары лауазымды иеленуге мүмкіндік бермейді. Мемлекеттік қызметке қабылдау “карьералық баспалдақ” арқылы жүзеге асады. Яғни, мемлекттік қызметкер жоғары лауазымға өз қарым-қабілеті арқылы жетеді” – деді С.Ахметжанов. Карьералық модель – Жапония, Германия секілді елдерде жақсы жолға қойылған.