Қазақстан мен Қытай жалпы құны $23,6 млрд болатын 33 келісім-шартқа қол қойды деп хабарлайды Рейтер.

Құжаттар гидроэлектрэнергетика, мұнай өңдеу, автокөлік шығару, металлургия және басқа түрлі салаларды қамтиды. Аталған келісімдерге Қазақстанның премьер-министрі Кәрім Мәсімовтың Қытайға іссапары барысында қол жеткізілді.

"Бұл екіжақты серіктестіктің табысты екенін, екі ел экономикасының бір-бірін толықтырып тұрғанын көрсетеді", - деді Қытай премьер-министрі Ли Кэцян.