Автокөлік өндірісінің көлемі ағымдағы жылдың қаңтар-наурызында өткен жылдың осы кезеңімен салыстырғанда 32%-ға төмендеді деп хабарлады Ұлттық экономика министрлігі Статистика комитетінің төрағасы Әлихан Смаилов.

"Қаңтар-наурыздағы индекс 68% болды, яғни осы жылдың бірінші тоқсанында жалпы автокөлік өндірісі көлемінің 32%-ға төмендеуі байқалып отыр", - деп мәлімдеді А.Смаилов сәрсенбі күні Астанада өткен брифинг барысында.

Төмендеу автокөліктің барлық түрлері (жеңіл, жүк және автобус) бойынша байқалуда.

"Бірінші кезекте бұл Семейдегі "АзиаАвтоВосток", "КАМАЗ инжиниринг", сонымен қатар Қостанай аймағында, онда біршама төмендеу бар. Себептері сізге мәлім", - деді А.Смаилов.