Алматы. 1 тамыз. 7kun.kz - 2017 жылдың шілде айында Қазақстандағы ең төменгі күнкөріс деңгейі 24,4 мың теңгені құрады. Бұл туралы статистика комитеті хабарлады.

Статистика комитетінің мәліметінше, аталған көрсеткіш өткен аймен салыстырғанда 2,6 пайызға кеміген (25,1 мың теңге).

Алайда 2017 жылдың басынан бері азық-түлік бағасы 13,6 пайызға өсті.

Күнкөріс деңгейінде азық-түлікке 14,6 мың теңге, ал азық-түліктік емес тауарлар мен ақылы қызметтерге 9,7 мың теңге бөлінген.

Маусым айында ең төменгі күнкөріс деңгейі 2 мың теңгеге өскен. Бір ай ішінде көрсеткіш 8,2 пайызға артты.