Қазақстандық үш мұнай өңдеу зауытының (МӨЗ) 2014 жылы өңдеген мұнайының жалпы көлемі 2013 жылға қарағанда 4%-ға өсіп, 14 млн 911 мың тоннаға жетті деп хабарлайы "ҚазМұнайГаз - Қайта өңдеу және Маркетинг" АҚ баспасөз қызметі. Бұл көрсеткіш Атырау МӨЗ, Шымкент МӨЗ ("ПетроҚазақстан Ойл Продактс" ЖШС) және "Павлодар мұнайхимия зауытына" тиесілі.

Компанияның ұсынған мәліметтеріне сүйенсек, аталған кәсіпорындар 2014 жылдың қаңтар-желтоқсанында бензин өндірісін 12,8%-ға (2 млн 999 мың тоннаға дейін), оның ішінде АИ-92 бензин өндірісін 16,1%-ға (1 млн 989 мың тоннаға дейін) арттырған.

2015 жылы 14 млн 328 мың тонна мұнай өңдеу жоспарланып отыр.