Алматы. 31 шілде. 7kun.kz - 2017 жылдың маусымында жұмысбастылық қызметі есебінде 94,6 мың адам тіркелген. 2016 жылы бұл көрсеткіш 68,5 мың адам болған. Бұл туралы Еуразиялық экономикалық комиссиясы хабарлады.

Еңбек биржасында тұрған қазақстандықтардың саны 12 айда 37,7 пайызға жетті.

Статистика комитетінің мәліметінше, жұмыс іздеушілердің жалпы саны 435,9 мың адам болса, жұмыссыздық деңгейі 4,9 пайызды құрады.

Еуразиялық экономикалық одаққа мүше елдердегі жұмыссыздар саны 2017 жылдың маусымында 1,1 млн адам болды. Бұл экономикалық белсенді халықтың 1,2 пайызы болып саналады.