Алматы. 11 маусым. 7kun.kz - Қазақстанның «Азық-түлік корпорациясы» және қытайлық CITIC Construction Co., Ltd. ет жеткізілімі саласындағы өзара тиімді ынтымақтастық туралы меморандумға қол қойды, деп хабарлайды LS.

Компанияда көрсетілгендей, осы құжат аясында тараптар Қазақстаннан Қытайға мал мен ет экспорттауды ұйымдастыру бойынша бірлескен инвестициялық бағдарламаны әзірлеу мен жүзеге асыруда ынтымақтастықты дамытуды жоспарлап отыр.

Бағдарламаға 2019 жылы 1 млрд юаньға ет, бидай және жемшөп сату, сондай-ақ 1,5 млн гектарға дейін суару инфрақұрылымына инвестиция салу кіреді. Сондай-ақ, компаниялар қытай нарығындағы қазақстандық ет маркасын бірлесе құрып, әрі қарай дамытатын болады.

Бұрын хабарланғандай, Халық банкі Altyn Bank-тің 60% акциясын China CITIC Bank Corporation Limited ірі инвесторына сатты. Қол жеткізілген келісімдерді нығайту үшін тараптар өзара түсіністік туралы меморандумға қол қойды. Құжаттың ережелерін іске асыру 2017 жылдың бірінші жартысында күтілген болатын. Кейінірек «Altyn Bank» АҚ басқарма төрағасы Асқар Смағұлов мәміле туралы ақпарат берді.