Қазақстандық интернеттегі карта арқылы төлем жасау 2014 жылы 50%-ды құраған. Бұл туралы Казкоммерцбанктің баспасөз-қызметі хабарлайды.

2014 жылы ePay жүйесі арқылы 22,3 млрд теңгеге төлем жасалынған. Бұл өткен жылға қарағанда 48,6%  артық. 2013 жылы жүйе арқылы 15 млрд теңгеге төлем жасалынған еді.

"Адамдарға күн өткен сайын желіде отырып-ақ төлеу ұнай бастады, оны мобильді телефонның көмегімен де жасауға болады. Қазір бұл - басты трендтердің бірі, кәсіпкерлер интернет-дүкендерде төлем қабылдау кезінде ескеруі қажет", - дейді Казкоммерцбанктың басқарма директоры Нұрлан Жағыпаров.