2015 жылдың тамыз айында депозиттік ұйымдардағы резиденттердің жинақ көлемі 13 205,5 млрд теңге болды. Бұл туралы ҚР Ұлттық банкінің баспасөз қызметі хабарлайды.

Заңды тұлғалардың депозиті 8 037,2 млрд теңге болса, жеке тұлғалардікі 5 168,3 млрд теңге болды.

Тамыз айының соңындағы ақпаратқа сүйенсек, ұлттық валютадағы депозиттердің көлемі 5 389,2 млрд теңге болса, шетел валютасымен сақталған депозит көлемі- 7 816,3 млрд теңгені құрады.

Ал тамыз айының соңында банктегі салымдардың жалпы көлемі (резидент еместерді қосқанда) 5 226,7 млрд теңге болды. Халық салымының құрылымы ұлттық валютамен 1 380,4 млрд теңге болса, шетел валютасымен 3 846,2 млрд теңгені құрады. Халық депозитіндегі теңге үлесінің салыстырмалы мөлшері - 26,4%.