Болашақ бағдарламасымен Purdue University университетінде білім алып жүрген қазақстандық Қарлығаш Жүгінісова жаңа қосымша ойлап тапты. Ол Kinza деп аталады. iOS платформасына арнап жасақталған бағдарлама үй шаруасындағы әйелдерге ыңғайлы.

Kinza бағдарламасын жүктеген соң сіз тіркеуден өтуіңізге болады.Бірақ, тіркелмей-ақ қолдана беру жағы да қарастырылған. Одан соң, бағдарламада түрлі азық-түліктер тізімі беріледі. Мәселен, жеміс-жидек, макарон өнімдер, ет өнімдері т.б Осы тізімнен тоңазытқышыңызда барын таңдау арқылы түскі не кешкі асқа не дайындауға болатынын таба аласыз. Қосымша сіздің азық-түліктеріңізді есте сақтап қалады. Әр кірген сайын толықтыруға да мүмкіндік бар. Бұл жұмыстан келіп, қандай тамақ істесем деген әйел адамдар үшін өте қолайды.  Әзірге мұндай қосымша ТМД елдері ішінде жоқ.