Байқоңыр. 13 қыркүйек. 7kun.kz – Байқоңырда экстремистік бағыттағы материалдарды таратқан деструктивті діни ағымын ұстанатын 38 жастағы қала тұрғыны анықталды, деп хабарлайды 7kun.kz.

Ол Қызылорда облысы ПД Экстремизмге қарсы іс-қимыл басқармасы қызметкерлерімен жүргізілген жедел-іздестіру іс-шаралары нәтижесінде ұсталды.

Оған қатысты ҚР ӘҚБтК-нің 490-бабының 1-бөлігі 3-тармағымен көзделген құқық бұзушылық жасағаны үшін әкімшілік іс қозғалған.

Сот қаулысымен деструктивті діни ағым ұстанушысы кінәлі деп танылып, оған 107205 теңге көлемінде әкімшілік айыппұл салынды.