Алматы. 28 қазан. 7kun.kz — 2018 жылы Қазақстанның мектепке дейінгі ұйымдарында 100 орынға шаққанда 105,9 бала тіркелді, бұл бос орындардың жоқтығын көрсетеді. 2017 жылы бұл көрсеткіш 96,1 балаға тең болған, деп хабарлады EnergyProm.

2018 жылы еліміздің 17 өңірінің 13-інде 100 орынға 100-ден астам баладан келді, тек төрт өңірде ғана мектепке дейінгі ұйымдарда (Алматы, Қызылорда, Солтүстік Қазақстан облыстарында және Шымкент қаласында) орын мәселесі болған жоқ.

Өткен жылы балабақшалардың ең үлкен жетіспеушілігі Ақтөбе (100 орындық 129 бала), Қостанай (128,7 бала) және Павлодар (116,8 бала) облыстарында байқалды.

2019 жылдың екінші тоқсанында мектепке дейінгі тәрбие мен оқыту саласында көрсетілген қызметтер көлемі 96,1 млрд теңгені құрады.

Өңірлер бөлінісінде ағымдағы жылдың осы кезеңінде мектепке дейінгі тәрбие мен оқыту саласындағы қызметтердің ең көп көлемі Түркістан облысында тіркелген – 12,3 млрд теңге (бір жыл бұрын — 10,6 млрд теңге). Алматы мен Алматы облысында көрсетілген қызметтер көлемі 10 млрд және 8,2 млрд теңгені құрады (бір жыл бұрын — 8,4 млрд және 5,5 млрд теңге). Сондай-ақ, ТОП-5 өңірге Жамбыл облысы – 7,8 млрд теңге және Нұр-Сұлтан қаласы — 7,1 млрд теңге кірді.