Банктер "7-20-25" және "Баспана Хитке" 4,9 млрд теңге береді
14 қаңтар, 2019
Алматы. 14 қаңтар. 7kun.kz – 2019 жылдың 6 жұмыс күні ішінде банктер "7-20-25" бағдарламасы бойынша 3 млрд теңге және "Баспана Хит" бағдарламасы бойынша 1,9 млрд теңге беруді мақұлдады.
Мақұлданған 4,9 млрд теңгенің 2,5 млрд теңгесі немесе 56%-ы Сбербанкке тиесілі.Естеріңізге сала кетейік, 2018 жылдың қорытындысы бойынша 7-20-25 бағдарламасында ЦентрКредит Банкі (мақұлданған кредиттердің жалпы үлесінің 78% - ы) көшбасшы болды. Ал Баспана Хит бойынша мақұлданған кредиттердің жалпы үлесінің 38%-ын Цеснабанк берді.
