Алматы. 9 маусым. 7kun.kz —Алматы қаласының әкімі Бауыржан Байбек президент сайлауында өз таңдауын жасады. Ол отбасымен бірге 40 мектептегі 235-учаскеде дауыс берді.

«Алматылықтардың барлығын осы мерекемен құттықтағым келеді. Бүгінгі маңызды күнде әр алматылық өз балалары мен немерелерінің болашағы үшін таңдау жасайды деп ойлаймын. Мен де бүгін таңдау жасадым. Еліміз реформалық жолда қарқынды дамиды деген ойдамын,- деді қала әкімі.

Алматы қаласында 1 миллион 130 мың 792 сайлаушы тіркелген. 80 халықаралық бақылаушы жұмыс істеуде.