Белоруссия үкіметі баға мен тарифтерді көтеруге енгізілген мораторийді кері шегерді. Ұлттық құқықтық  интернет-порталында осындай мәлімдеме жарияланған. Жауапты ведомстваларға тұтынушыларды тауарлардың әр алуан сұрыпталымымен қамтамасыз ету тапсырылды.

2014 жылдың қаңтарында белорусь рубліне қатысты доллар бағамының өсуіне байланысты баға көтеруге тыйым салынған еді. "ЕврАзЭС" антидағдарыстық қорының қызметкерлерімен кездесуінде Белоруссияың сауда министрінің орынбасары Артур Карпович мораторийді кері шегеру туралы мәлімдеме жасады. "Тұтынушылық нарықта баға жағдайы тұрақтанған кезде үкіметке мораторийді кері шегеру туралы ұсыныс жіберілді", - деді ол.

"Баға мен тарифке шектеу салу үкіметтің соңғы шарасы болды", - дейді Мизеса ғылыми-зерттеу орталығының президенті Ярослав Романчук. Оның есептеуінше, үкімет шешімнің салдары туралы, импортелер мен экспортерлерге зияны туралы ойланбаған. Соңғы екі ай ішінде Ресеймен арадағы экспорт көлемі 40%-ға, импорт көлемі 25%-ға төмендеді. "Енді мораторийді кері шегеру ел экономикасын тұрақтандырып, бәсекелестікке жол ашуы қажет", - деп есептейді ФБК компаниясының әріптесі Игорь Николаев.

Наурыз айында Белоруссияда Халықаралық валюталық қордың (ХВҚ) кезекті барлау миссиясы жұмыс істеп, үкіметке баға бақылауын кері шегеруді ұсынып еді. Үкіметтің шешімі ХВҚ-дан келетін несие туралы келіссөздерге байланысты деп есептейді еуропалық интеграция мәселелері Орталығының директоры Юрий Шевцов.

Осыған дейін ХВҚ-ның Белоруссиядағы миссиясының басшысы Дэвид Хоффман Минскінің қорға жаңа несие алу туралы өтініш жасағандығын хабарлады. "Республикаға ХВҚ-дан 2 млрд доллар да жетеді", - деді бұл туралы ел президенті Александр Лукашенко Bloomberg-ке берген сұхбатында.