Астана. 1 желтоқсан. 7kun.kz – Әбілқайыр Сқақов Павлодар облысының әкімі қызметінен босатылды. Бұл туралы ҚР президентінің  баспасөз қызметі хабарлады.

«Әбілқайыр Бақтыбайұлы Сқақов Павлодар облысының әкімі қызметінен босатылсын», – делінген Жарлықта.

Оның орнына президент Жарлығымен Олег Павлович Крук Павлодар облысы әкімінің міндетін уақытша атқарушы болып тағайындалды.

Еске салайық, 27 қараша түнгі уақытта Павлодар облысының Екібастұз қаласы 30 градус аязда жылусыз және ыстық сусыз қалды. Қалада ТЖ режимі жарияланған болатын.