Алматы. 3 ақпан. 7kun.kz — Brent маркалы мұнайдың құны коронавирус індетінің таралуына байланысты соңғы күндері барреліне 55 долларға дейін төмендеді.

Ал бүгін Нұр-Сұлтан уақыты бойынша сағат 8:50-де аталған мұнай бағасы реттеліп, барреліне 56,14 долларға жетті.

Бұл ретте, Қытайдың Денсаулық сақтау мәселелері жөніндегі мемлекеттік комитетінің мәліметі бойынша, 2 ақпанда Пекин уақыты бойынша 00:00-де Қытайда коронавирусты жұқтырудың расталған жағдайларының саны 17,2 мыңға жетті, 2,3 мың адамның жағдайы ауыр деп бағаланады, 475 пациент ауруханадан шығарылды, өлім-жітім саны 362-ге жетті. Жалпы алғанда 21,5 мың болжамды ауру жағдайы тіркелді.