Алматы. 11 шілде. 7kun.kz — Brent маркалы мұнайдың бағасы барреліне 67 доллардан асып түсті.

Бір тәулік ішінде шикізат құны 4,3%-ға өсті және Нұр-Сұлтан уақыты бойынша 08:37-де 67,04 долларды құрады. Түнгі сауда кезінде бұл көрсеткіш баррель үшін 66,44 доллар деңгейіне дейін төмендеді.

АҚШ-тың Энергетика министрлігі елдегі мұнай қорлары өткен аптада 9,5 миллион баррельге азайғаны туралы хабарлағаннан кейін шикізаттың әлемдік бағасы көтерілді.

Еске сала кетейік, бұған дейін ОПЕК пен оның одақтастары мұнай өндіруді 2020 жылдың сәуіріне дейін қысқарту жөніндегі келісімді ұзарту туралы шешім қабылдады. Картельде ескі келісімнің квотасы сақталғанын атап өтті.

Тиісті құжат 2016 жылдың соңында жасалды. 2017 жылдың басында күшіне енді. Бұл 2016 жылдың қазанымен салыстырғанда тәулігіне 1,8 млн баррельге төмендеу болды. Келісім бірнеше рет ұзартылды. 2018 жылдың соңында тараптар шикізат өндіруді тәулігіне 1,2 млн баррельге қысқарту туралы келісті.