Нұр-Сұлтан. 9 маусым. 7kun.kz —Бүгінгі сайлау мереке секілді өтіп жатқанын байқадық. Сіздерде сайлау жоғары деңгейде ұйымдастырылып келеді. Сербиядан келген халықаралық байқаушы Драгомир Карич сайлау туралы осындай пікір білдірді.

«Сайлау учаскесінің жұмысы жақсы ұйымдастырылған, яғни азаматтардың дауыс беруіне қолайлы жағдай жасалған. Осы тарихи күнмен шын жүректен Қазақстанның барлық азаматтарын құттықтаймын. Менің ойымша, ҚР Тұңғыш Президенті - Елбасы Нұрсұлтан Назарбаев биыл тарихи дұрыс шешім қабылдады, осы орайда бүгін ел халқы жаңа Президентін таңдап жатыр», - деді Д. Карич.

Халықаралық байқаушы елордадағы № 58 сайлау учаскесінде жұмыс істеуде.