Астана. 25 қаңтар. 7kun.kz - Қазақстан Республикасының Президенті Нұрсұлтан Назарбаевтың Жарлығымен Қазақстан Республикасының Денсаулық сақтау және әлеуметтік даму министрлігі Еңбек және халықты әлеуметтік қорғау министрлігі және Денсаулық сақтау министрлігі болып бөлінді. Бұл туралы Ақорданың баспасөз қызметі хабарлайды.

Мемлекет басшысының жарлығы бойынша, екі министрлікке жаңа басшылар тағайындалды. Енді ҚР Денсаулық сақтау министрі - Елжан Біртанов. Ал  Тамара Дүйсенова ҚР Еңбек және халықты әлеуметтік қорғау министрі қызметіне тағайындалды.