Нұр-Сұлтан. 30 маусым. 7kun.kz – Мәжіліс депутаттары екі айлық демалысқа шықты. Журналистер мәжілісмендерден бос уақытында немен айналысатындарын және қанша еңбек демалыс ақысын алатындарын сұрады, деп хабарлайды 7kun.kz.

Депутат Елнұр Бейсенбаевтың айтуынша, еңбек демалыс ақысының көлемі жаман емес.

«Үш жалақы - шамамен 2,5 млн теңге (екі айдағы жалақы, қызметақы). Биыл президенттің тапсырмасы бойынша бізге берілетін сыйақылар қысқартылды, біз тек жалақы аламыз. Мен үшін бұл жоғары жалақы, бұған дейін ол төмен болатын», – деді Елнұр Бейсенбаев.

Сондай-ақ журналистер депутаттардың демалыс мерзімі туралы да сұрады.

«Екі айдың бір айында аймақтарда боламыз, бір айға жуық ресми демалысқа шығамыз. Заңнамада демалуға болады деп жазылған. Мен Алматыда болдым, 40 кездесу өткіздім, әрқайсысында 50-60-қа жуық адам болды. Бұл әрқайсымызға үш мың адам. Аудитория аз деп ойлаймын. Осы айда 15-ке жуық кездесу жоспарланған. Мен Ақтөбе облысына, одан кейін Алматыға барамын», - деп жауап берді Елнұр Бейсенбаев.

Сондай-ақ депутат Ерлан Смайлов та өзінің еңбек демалыс ақысының мөлшерін айтты.

«Бізде еңбек демалыс ақысы бір жалақы мөлшерінде. Бұл шамамен 900 мың теңге», - деді депутат.