Қазақстан Республикасының Үкіметі Ұлттық қордан қосымша қаражат сұрамайды. Бұл туралы Ұлттық экономика министрі Ерболат Досаев мәлім етті.

«Үкімет экономиканы дамыту үшін Ұлттық қордан қосымша трансферт сұрамайтын болды. Бүгінде біздің ұстанған және жүзеге асырып отырған саясатымыз осы. Оның үстіне, кепілді трансферт аясында заңға сәйкес, 15 пайыздың деңгейінде қосымша қаржы алуға мүмкіндігіміз бар еді. Біз бұл мүмкіндіктен бас тарттық»,-деді Е.Досаев. Осыған дейін хабарлағандай,  Ұлттық қордың 2016-2018 жылдарға  арналған кепілдендірілген трансферт көлемі - 2,4 трлн теңге (1$/351,77 теңге).