Samsung Galaxy S6 — толық қуатталуға ең аз уақыт алатын смартфон деп танылды. Asus Zenfone 2  болса, 15 минутта 32 пайыз қуат алады. Бұл жөнінде tomsguide.com сайты жария етті.

Samsung Galaxy S6  100 пайыз қуатталуы үшін бар-жоғы 1 сағат, 22 минут қажет. Одан кейінгі орында - LG G4 смартофоны. Оның нәтижесі - 1 сағат, 36 минут екені анықталды. Қуаттталуға ұзақ уақыт талап ететін - iPhone 6. Ол толық қуат алуы үшін 2 сағат, 35 минут керек. 5 минутта, 15 минутта, 30 минутта қанша қуат алатыны жөнінде жасалған тестердің нәтижесінде де Apple өнімі соңғы орынды алды.