Алматы. 1 наурыз. 7kun.kz — 2018 жылдың қаңтар-ақпанында инфляция деңгейі 1,3 пайызды құрады, деп хабарлады LS.

Статистика комитетінің мәліметінше, азық-түлік тауарлары екі айда 1,4 пайызға, ал азық-түлік емес тауарлар 0,8 пайызға көтерілді.

Сондай-ақ, ақылы қызметтер орташа есептегенде 1,6 пайызға қымбаттады.

Өнімдердің ішінде ең жоғарылаған баға көкөністерде (8,3 пайыз) байқалды. Екі ай ішінде ақ қырыққабаттың бағасы 11,5 пайыз, пияз 7,4 пайыз, картоп 5,6 пайыз, сәбіз 3,8 пайызға қымбаттады.