Алматы. 6 тамыз. 7kun.kz – 2018 жылдың бірінші жартыжылдығында ІІМ органдарында газ баллоны орнатылған 89 592 автокөлік тіркелген. Бұл 2017 жылдың ұқсас мерзімімен салыстырғанда 44,5% жоғары, деп хабарлайды Қазақстан автобизнес қауымдастығының баспасөз қызметі.

«Бұл Қазақстанда қаңтар-маусымында тіркелген барлық автокөліктердің 15,9% құрайды», делінген хабарламада.

2018 жылдың алғашқы 6 айында тіркелген көліктердің басым көпшілігі  жеке тұлғаларға (84 660 бірлік)  тиесілі болып шықты, газ баллоны орнатылған көліктердің небәрі 5,5 % заңды тұлғалардың (4 932) меншігінде. 73 008 жеңіл көлік тіркелген,  жеңіл коммерциялық техника - 13 694, ауыр коммерциялық техника мен автобустар, сәйкесінше - 2273 және 617 тіркелімді құрайды.

Газдың бағасы ең төмен өңірлер арасында Маңғыстау облысы көш бастап тұр (19 525 бірлік). Одан кейін Түркістан облысы, оның ішінде Шымкент қаласы келеді (13 875), артынан Ақтөбе облысы (11 383) және Астана қаласы (6 031) тұр.