Алматы. 23 мамыр. 7kun.kz - 2018 жылдан бастап бала туған кезде автоматты түрде балабақша кезегіне қойылатын болады.  Бұл туралы Sputnik хабарлады.

"Келесі жылы баланың тууы туралы ақпарат Денсаулық сақтау министрлігінің ақпараттық жүйесіне бірден түсетін болады. Ал министрлік мемлекеттік қызмет алуға бастамашы болады. Яғни, баланың дүниеге келуімен құттықтап, ата-ананың баласының аты-жөнін қалай қоймақшы екенін білуі тиіс", — деді Оспанов.

Оның айтуынша, баланың тууы туралы ақпарат жәрдемақы және балабақшаға кезекке тұру үшін автоматты түрде тиісті органдарға түсетін болады. "Сөйтіп, бұл ақпарат АХАЖ-ға түсіп, ЖИН беріледі — бұл ақпарат оның шотына қажетті жәрдемақы түрін аудару үшін бірден Еңбек және халықты әлеуметтік қорғау министрлігіне жіберіледі. Ары қарай бұл ақпарат автоматты түрде балабақшаға кезекке тұру үшін "электрондық әкімдікке"түседі”, — деді ол.