Алматы. 21 ақпан. 7kun.kz – Ол үшін интернет- платформалық жұмыспен қамтылғандар арнайы тіркеуден өтуге тиіс. Бұл туралы Еңбек және халықты әлеуметтік қорғау вице-министрі Ақмәди Сарбасов айтты, деп хабарлайды 7kun.kz.

«Салықтық әкімшілендіру жөніндегі пилоттық жобаны іске асыруды бастау қажет, оның шеңберінде интернет-платформалар операторының орындаушылар үшін салық міндеттемелерін орындауы сынақтан өткізілетін болады», – деді Сарбасов.

Оның айтуынша, жақында заңнамаға интернет-платформа операторы, тапсырыс беруші мен орындаушы арасындағы өзара қарым-қатынасты нақты реттейтін түзетулер қабылданады. Жалпы аталмыш өзгерістер интернет-платформаларды пайдалана отырып қызмет көрсететін тұлғаларды салықтық әкімшілендіру жөніндегі пилоттық жоба аясында жүзеге асуда.