Семей. 20 сәуір. 7kun.kz - Әсіресе Шүлбі су қоймасынан төмен орналасқан елді-мекендерге қауіп әлі де сейілген жоқ. Бұл туралы abctv.kz хабарлады.

Қазір жоспарлы су босату жұмысы жүргізіліп жатыр. Бұл шара осы айдың аяғына дейін жалғасады. Өзендегі су деңгейі 386 сантиметрді көрсетіп тұр. Қауіпті меже – 450 сантиметр.

«Қазгидромет» РМК мамандары 2 сағат сайын өлшеу жұмысын жүргізіп жатыр. Семей қалалық төтенше жағдайлар басқармасы осыған байланысты тұрғындар мен қала қонақтарына жағалауға жақындамауға және қауіпті аумақтарда мал жаймауға шақырып отыр.

Әзірге қалада үйлерді су басу дерегі тіркелмеген.