2012 жылғы жарыстың жүлде қоры 196 млн евроны құраған еді. Биыл УЕФА ұйымы жарыстың жалпы жүлде қорын арттырып, 301 млн евро салыпты. Яғни, жарысқа қатысатын 24 құрама 301 млн евроны өзара бөліседі.

Жеңімпаз құрама иелене алатын максималды ұтыс – 27 млн евро. 2012 жылы бұл сома 23,5 млн еворны көрсеткен еді. Нақтырақ айтсақ, биыл әрбір құрама жарысқа қатысқаны үшін 8 млн евро иеленеді. Топтық кезеңдегі әр жеңіс үшін – 1 млн, тең ойынға – 500 000 евро беріледі. 1/8 финалға өткен құрама – 1,5 млн; 1/4 финалға өткен құрама – 2,5 млн; 1/2 финалға өткен құрама – 4 млн; Финалға шыққан құрама – 5 млн евро табысқа кенеледі. Ал турнир жеңімпазы қосымша 8 млн евро алады.

Еске сала кетейік, өткен аптада Франция жерінде Еуро-2016 футбол жарыс басталды. Төрт жылда бір өтетін додаға 24 мемлекеттің құрамасы қатысып жатыр.