Қаңтар және ақпан айында айырбастау бөлімшелері еуропалық валютаның ең аз минимал көлемін сатқан. 2014 жылы сауданың айлық орта көлемі 37,7 млрд теңге болса, бүгінде ол көрсеткіш 21,2 млрд теңгені құрап отыр деп хабарлайды ranking.kz.

Еуроға деген сұраныстың азайғанына осымен алтыншы ай. Ақпан айында еуро мен ресейлік рубльдің рекордтық сатылымында рекордтық айырмашылық байқалды. Теңгелей баламада еуроны ресейлік валютамен салыстырғанда төрт есе аз сатып алған.

Рубль саудасының еуродан аса айырмашылығы байқалған облыстар: Қызылорда облысы (21 есе: 0,2 млрд теңгеден 4,4 млрд теңгеге), Ақмола облысы (18,4 есе: 0,2 млрд теңгеден 3,9 млрд теңгеге) және Алматы ( 15,6 есе: 0,4 млрд теңгеден 6,5 млрд теңгеге).