Алматы. 3 қаңтар. 7kun.kz – Қазақстандық Фируза Шарипова WBC Silver және IBO чемпионатының әлем чемпионы атағына ие болды, деп хабарлайды Today.kz.

Шарипова бельгиялық Джамилла Гонтарукты Алматыдағы бокс кештерінде жеңді.

Жекпе-жек 10 раундқа дейін созылды.

Енді Фируза Шарипованың қоржынында төрт чемпионат белдігі бар. Жеңісі туралы пікірін білдірмес бұрын, спортшы эмоцияларын жасыра алмады.

«Бізді қолдағандарыңыз үшін рахмет. Біз лайықты күрес көрсеттік деп үміттенемін», - деп Фируза Шарипова көзіне жас алды.