Орта салмақтағы әлем чемпионы атағына үміткерлер Геннадий Головкин пен Вилли Монро арасындағы жекпе-жек билеттері 17 наурыз күні  PDT уақыты бойынша 12:00-де сатылымға түседі. Ал, жекпе-жектің өзі 16 мамыр күнге жоспарланып отыр. Бұл жөнінде Геннадий Головкин  әлеуметтік желіде хабарлады.

Билеттер бағасы түрліше: 300 доллар, 200 доллар, 100 доллар, 60 доллар және 30 доллар. Билеттерді Ticketmaster арқылы сатып алуға болады.

"Билеттер құнын қолжетімді етіп тағайындап отырмыз. Жанкүйерлердің қалтасына келетін бағада, яғни 30 доллардан бастап билеттерді сатылымға саламыз. GGG-дың драмалық шоуын көруге көптің мүмкіндігі туып отыр, - дейді Головкиннің промоутері Том Леффлер. - Головкиннің соңғы Лос-Анджелестегі жекпе-жегінің билеттері тез арада сатылып кеткен еді. Сол себепті, билеттерді неғұрлым ертерек алған жөн".

Форумның бокс-кеңсесінен осы сейсенбі күні билет сатып алған алғашқы 100 адамға баспасөз-конфереция қабырғасында Геннадий Головкинмен суретке түсуге мүмкіндік беріледі. Баспасөз-конференциясы 13:00-де басталады.