Алматы. 12 мамыр. 7kun.kz - Google корпорациясы Ресейдің антимонополиялық заңнамасын бұзғаны үшін 6,57 млн доллар айыппұл төледі. Бұл туралы inform.kz хабарлады.

Яндекс пен Google арасындағы дау екі жылдан бері жалғасып келеді. 2015 жылдың ақпанында ресейлік «Яндекс» компаниясы Google-ға қарсы шағым түсіріп, Android операциялық жүйесінде орнатылған қосымшаларды асыра пайдаланды деп айыптаған болатын. 2015 жылдың күзінде Ресейдің Федералдық антимонополиялық қызметі «Яндекстің» талабын дұрыс деп тапты. Сондықтан Google-дан кемшіліктерді жоюды талап етті. Google Мәскеудің арбитраждық сотына қарсы шағым түсіргенімен, шешім өзгеріссіз қалған.