Алматы. 27 сәуір. 7kun.kz - HalykFund қайырымдылық қоры облысында су тасқынынан зардап шеккен өңірлерге 10 млн теңгеден жалпы сомасы 50 млн теңге бөлді. Бұл туралы банктің әлеуметтік желідегі парақшасында жазды.

«Қазақстанның көптеген өңірлерінде көктем шығысымен су тасқыны орын алып, отандастарымыз зардап шегуде. Дәл осындай қиын-қыстау сәттерге Halyk Bank жетекшілері мен қызметкерлері бейжай қарап қалмады. Ақтөбе, Ақмола, Қостанай, Шығыс Қазақстан және Қарағанды облысында су тасқынынан зардап шеккендерге HalykFund қайырымдылық қоры әр өңірге 10 млн теңгеден жалпы сомасы 50 млн теңге бөлді. Құрметті қазақстандықтар, бір кісідей жұмыла, көмек қолын созайық!», - деп жазады парақшада.