Алматы. 19 тамыз. 7kun.kz – Жұма күні Қытай аумағында Huawei Mate 20 X 5G флагмандық смартфонын сату басталды.

Модельдің бағасы 8 ГБ жедел жады және 256 Гб флэш-жады бар нұсқа үшін шамамен 900 долларды құрайды. Смартфонға миллионнан астам алдын-ала тапсырыс берілген, алайда сатылым бірнеше минутқа ғана созылды. Өйткені топтама тез сатылып кеткен. Cенбі күні сатылымға смартфондардың екінші партиясы шығып, олар да өте тез сатылған. Енді компания қойманы толтырып, жеткізуді тездетуге тырысуда.

Huawei Mate 20 X 5G - SA және NSA режимдерін қолдайтын алғашқы смартфон. Олар тәуелсіз 5G желісіне және тәуелді желіге сәйкес келеді. 5G NSA желілік режимінде операторлар базалық станцияларды бір уақытта 4G және 5G желілері үшін қолдана алады, бұл инвестицияны үнемдейді. Бірақ басты кемшілігі - бұл режим 5G жаңа мүмкіндіктерін қолдай алмайды.

Сонымен қатар, NSA режимінде 4G және 5G желісіне бір уақытта қосылу қажеттілігі 5G SA режимін қолданумен салыстырғанда электр қуатын тұтынудың артуына әкеледі. Ақшаны үнемдеу үшін кейбір тасымалдаушылар 5G желілерін бастапқы орналастыру кезінде NSA режимін пайдаланады. Бірақ соңында барлық операторлар 5G SA-ге ауысуы керек.