2015 жылдың І тоқсанында KAZ Minerals компаниялар тобы 19,1 мың тонна катод мысын өндірді, бұл өткен жылдың IV тоқсанындағы көрсеткіштен 26,1%-ға төмен. Алайда өндірістің қазіргі қарқыны жылдың аяғына дейін 80-85 мың тонна жоспарланған көлемге қол жеткізуге мүмкіндік береді деп хабарлайды компанияның баспасөз қызметі.

Компания деректеріне сүйенсек, концентраттағы мыс өндірісі 21,5 мың тоннаны қамтыды, бұл өткен жылғы IV тоқсандағы көрсеткіштен 9,7%-ға төмен. Есептік кезеңде топ 1,05 млн тонна кен өндірген, былтырғы жылдың IV тоқсанындағы мөлшерден шамамен 6%-ға аз. Кендегі мыстың орташа құрамы - 2,31%.

І тоқсанда 25,1 мың тонна мырыш шығарылды (2014 жылдың IV тоқсанымен салыстырғанда көрсеткіш 21,6%-ға төмендеген). 2015 жылға арналған жоспар - 90-95 мың тонна.

Күміс өндірісі 896 мың унцияны қамтыды (2015 жылға арналған болжам: 2,2-2,5 млн унция), өткен жылдың IV тоқсанымен салыстырғанда өсім 11,1%-ды құрады.

Құйма түріндегі алтын өндірісінің көлемі есептік кезеңде 6,4 мың унцияға жетті (2014 жылдың IV тоқсанынан бері төмендеу 57,6%). Іш ай ішінде топ 10,7 мың тонна концентраттағы алтын шығарды (2014 жылдың IV тоқсанымен салыстырғанда өндіріс 27,1%-ға азайды). Сондай-ақ, жыл бойына Қырғызстандағы Бозшакөл кен орнындағы алтын өндірісінің көлемі арттырылады, бұл жылдың аяғына дейін жоспарланған 42-47 мың унцияға қол жеткізуге мүмкіндік береді.

2015 жылдың 31 наурызындағы жағдай бойынша KAZ Minerals-тың таза берешегі - 1,29 млрд доллар. 2014 жылдың 31 желтоқсанымен салыстырғанда қарыздың өсуі (962 млн доллар) Бозшакөл мен Ақтоғай жобаларының өсімін іске асыруға және несие желілері бойынша пайыздық төлемдер мен салықтардың төленуіне байланысты.