Израиль Еуразиялық Экономикалық Одақпен (ЕАЭО) еркін сауда аймағын (ЕСА) құру туралы келісім-шартқа қол қойғысы келеді деп мәлімдеді аталған елдің СІМ басшысы Авигдор Либерман.

"Біз Еуразиялық одаққа қосылу емес, еркін сауда аймағын құру туралы келіссөздер жүргізіп жатырмыз. Тура осындай келісімге Еуропалық одақпен келгенбіз, енді ЕАЭО-пен серіктестік орнатқымыз келеді", - деді ол Мәскеуде өткен баспасөз-мәслихаты кезінде.

Өз кезегінде РФ СІМ Сергей Лавров Израильдың еркін сауда аймағына қызығушылық танытуын атап өтті. "Егер біз бір келісімге келсек, онда мұндай аймақ құрылуы мүмкін", - деді ол.